السلام عليكم
ازيكم يا قمراااااااااات عامليين ايه ؟
انهارده طريقه بسكويت الينسون
الرائع الخفيف جدا وبجد حلو اووى
الصبح مع الشاى باللبن او النسكافييه
وطريقته سهله وبسيطه جدا
المقادير
كوبيتين ونصف دقيق
كوب سكر
ربع كوب زيت
فانيليا
معلقه بيكنج باودر
4 بيضات
3 ملاعق ينسون كبار
الطريقه
اول شىء طبعا نولع الفرن قبل ما نشتغل وده قاعده اساسيه لكل انواع البسكوتات والكيكات عامه
صوره المقادير
اولا نوضع البيض ونضربه بسيط بالمضرب وبعدين نضيف السكر ونضرب حتى يصبح لون الخليط ابيض ويبقى زى الكريمه بالضبط
وبعدين نضيف الفانيليل والزيت والينسون ونضرب كويس
وبعدين الدقيق ونضب برضه حتى يتجانس الخليط
وبعد كده نصبه فى صاج مستطيل مدهون زيت بسيط
هنحطه فى الفرن وده شكله بعد
ما استوى
هنستنى عليه يبرد شويه وبعدين نقطعه صوابه بالحجم الى احنا عاوزينه
بسكينه مشرشره
وبعدين هنرجعه تانى الفرن حتى يتحمس قليلا ويبقى مقرمش
وده شكله بعد ما قدمته
وده صورة اقرب
اتمنى تجربوه ويعجبكم
وسلام عليكم